Հովիկ Աբրահամյանը շնորհավորական ուղերձ է հղել էներգետիկի մասնագիտական օրվա առթիվ

Վարչապետ Հովիկ Աբրահամյանը շնորհավորական ուղերձ է հղել էներգետիկի մասնագիտական օրվա առթիվ, տեղեկացնում է ՀՀ կառավարության պաշտոնական կայքը: 

Ուղերձում, մասնավորապես, ասված է.

Էներգետիկայի ոլորտի հարգելի աշխատակիցներ,

Հայաստանի Հանրապետության կառավարության և անձամբ իմ անունից սրտանց շնորհավորում եմ ձեզ էներգետիկի մասնագիտական օրվա առթիվ:

Էներգետիկայի բնագավառը ՀՀ կառավարության գերակա ուղղություններից մեկն է և ոլորտի հետագա զարգացումը գտնվում է մեր անմիջական ուշադրության կենտրոնում: ՀՀ կառավարությունը շարունակելու է հետևողական քայլերը մեր երկրի էներգետիկ անվտանգության ապահովման ուղղությամբ:
Սիրելի էներգետիկներ,

Վստահ եմ, որ ձեր մասնագիտական բարձր կարողությունների շնորհիվ հետագայում ևս հաջողությամբ կիրականացնեք ձեր առջև դրված խնդիրներն ու կնպաստեք Հայաստանի էներգետիկայի ոլորտի հետագա զարգացմանը: Մաղթում եմ ձեզ աշխատանքային հետագա հաջողություններ, առողջություն և ընտանեկան ջերմություն: