Գալիս եմ, որ ժպտաս Հրազդան. Սասուն Միքայելյան (տեսանյութ, լուսանկարներ)

«Քաղաքացիական պայմանագիր» կուսակցության Հրազդանի տարածքային կառույցում այսօր տեղի ունեցավ Սասուն Միքայելյանի համակիրների մասնակցությամբ հանդիպում, որտեղ քննարկվեց ապրիլի 17-ին կայանալիք քաղաքապետի ընտրություններում Հրազդանի նախկին քաղաքապետ Սասուն Միքայելյանի թեկնածությունը:

Սասուն Միքայելյանը ողջունեց ներկաներին եւ վստահ ասաց. «Իմ համախոհների հետ միասին, գալիս եմ, որ Հրազդանում այս մթնոլորտը փոխվի: Ես անցած ընտրություններում հաղթած, բայց քաղաքապետ չդարձած տղա եմ: Իմ իշխանությունները իմ ժողովուրդն են: Ես պայքարելու եմ, որ ժողովուրդի տված ձայնը տեղ հասնի: Ամբողջ Հայաստանը գիտի, թե այստեղ ընտրություններն ինչպես են կայացել: Ճնշել, ասել էին, որ Միքայելյանին չընտրեք: Ուզում եմ վերացնեմ Հրազդանում վախի մթնոլորտը»,– ասաց նա:

Նշենք, որ Սասուն Միքայելյանը պատրաստվում է առաջադրվել Հրազդանի քաղաքապետի թեկնածու, իսկ նախընտրական շտաբը կղեկավարի Նիկոլ Փաշինյանը:

Նելլի Կարապետյան