30 տարվա ընթացքում ես երբեք հենց այնպես ելույթ չեմ ունեցել. Աշոտ Մանուչարյան
«Ղարաբաղ» կոմիտեի նախկին անդամ Աշոտ Մանուչարյանը ժամանակին սուր ելույթներ էր ունենում Ազատության հրապարակում տեղի ունեցող հանրահավաքների ժամանակ: Բայց վերջերս ձևավորված խորհրդի կազմում ոչ միայն Մանուչարյանը չկա, այլև ելույթներ անգամ չի ունենում: Վերջինիս խոսքերով` այնտեղ պետք է կազմակերպվի մի բան, և այն պետք է հանգեցնի ժողովրդի ինքնակազմակերպմանը , ինքնակազմագործի, ինչպես եղել է նախկինում, պետք է կարողանան խնդիրը լուծել, որովհետև ուրիշ ձև երկիրը այս վիճակից հանելու ձև երևի թե գոյություն չունի. «Ժողովուրդը, եթե տեր չի կանգնում երկրին, մեզ այնպես թե այնպես մանիպուլատիվ դաշտում են պահելու: Ես հարթակից ելույթ էի ունենում, քանի որ մնացածը ձերբակալված էին, տնօրինում որևէ մեկի կողմից չկար, ես էի, և ես մի քանի օր երիտասարդներին աջակցում էի` հայտնելով իմ տեսակետները այդ հարցի վերաբերյալ: Հիմա այնտեղ եկել են մարդիկ, ովքեր այդ հարցը տանում են, ես լսել եմ, որ ուրիշ ընդդիմադիր խմբեր էլ են ուզում հավաքներ անցկացնել»:
Աշոտ Մանուչարյանի կարծիքով` այդ հանահավաքների իմաստը միակն է` պետք է կարողանան այդ խնդիրը լուծել: Այսինքն` բոլոը պետք է աշխատեն նրա վրա, որ ժողովուրդը դուրս գա հրապարակ և տեր կանգնի երկրին. «Իսկ կուսակցությունները, կազմակերպությունները հանդիսանում են ժողովրդի գործիքները, նրանք այս կամ այն բնագավառը պետք է կազմակերպեն, դա կազմակերպում է ժողովրդի կամքի արտահայտումը, աշխատանքը տարբեր ատյանների հետ և այլն: Քննարկումներ են ընթանում այդ ուժերի հետ, ովքեր հրապարակը կարևորում են, որպեսզի գան ընդհանուր հայտարարի այդ հարցի վերաբերյալ: Երբ որ ընդհանուր տեսակետին հասանք, այդ դեպքում, երբ անհրաժեշտություն լինի, որ ես էլ հանդես գամ` նեկայացնելով ժողովրդի տեսակետները, ես այնտեղ հանդես կգամ, իսկ 30 տարվա ընթացքում ես երբեք հենց այնպես ելույթ չեմ ունեցել, պետք է լինի խնդիրը, որ սպասարկեմ: Հիմա սպասում եմ` խնդիրը վերջնական ձևակերպենք, դրանից հետո ես էլ պատրաստ կլինեմ սպասարկման, եթե կան մյուսները, կարող են արդյունավետ սպասարկել, դա էլ լրիվ ընդունելի տարբերակ է»:
Աննա ՊԱՊԻԿՅԱՆ
Կարծիքներ