Մեծ Յոթնյակի ԱԳ նախարարները դժգոհել են
Մեծ Յոթնյակի ԱԳ նախարարները իտալական Լուկկա քաղաքում տեղի ունեցած հանդիպման ժամանակ արձանագրել են, որ Ուկրաինայի հակամարտության Մինսկյան կարգավորման գործընթացում լճացում է նկատվում: Այս մասին հայտարարել է Իտալիայի ԱԳ նախարար Անջելինո Ալֆանոն: Սրանով հանդերձ, ինչպես հայտնում է RAI News-ը, Մեծ Յոթնյակի ԱԳ նախարարները վերահաստատել են որ աջակցում են Ուկրաինայի տարածքային ամբողջականությանը: «Ուկրաինայի մասով, ցավոք յոթնյակի նախարարները խոստովանեցին, որ այն բարդ պրոցես է եւ ներկայումս որոշակի լճացում կա Մինսկյան բանակցությունների գործընթացում: Սակայն միեւնույն ժամանակ յոթնյակն արձանագրեց, որ շարունակում է աջակցել ընդհանուր արժեքները, ներառյալ նաեւ Ուկրաինայի տարածքային ամբողջականությունը»,- ասել է նախարար Ալֆանոն:
Կարծիքներ