Լեռնային Ղարաբաղի բնակչությունը երբեք երկու համայնքներից բաղկացած չի եղել․ Նաղդալյան
Լեռնային Ղարաբաղի բնակչությունը երբեք երկու համայնքներից բաղկացած չի եղել։ Հայերը ԼՂ-ում միշտ բացարձակ մեծամասնություն են կազմել։ Այս մասին այսօր հայտարարել է ՀՀ ԱԳՆ մամուլի քարտուղար Աննա Նաղդալյանը։
ԱԳՆ խոսնակը նաև նշել է, որ ինչպես Բուդապեշտյան գագաթաժողովի փաստաթղթի եզրափակիչ մասում, այնպես էլ հրադադարի համաձայնագրում ասվում է երեք կողմերի մասին։
«Լեռնային Ղարաբաղը երբեք երկու համայնքներից բաղկացած չի եղել։ Նույնիսկ խորհրդային տարիներին դա եղել է հայկական ինքնավարություն՝ չնայած ժողովրդագրական համամասնությունը փոխելու ադրբեջանական իշխանությունների փորձերին։ Հայերը Լեռնային Ղարաբաղում միշտ բացարձակ մեծամասնություն են կազմել։ Այդ պատճառով համայնքների մասին խոսակցություններն արհեստական են։ Նպատակն է փորձել ազդել բանակցություններում Լեռնային Ղարաբաղի մասնակցության վրա»,- ասել է Նաղդալյանը։
Կարծիքներ