Սահմանադրությունը չկարդացած Սահմանադրության պահապանը
Քաղաքացիական պայմանագիր խմբակցություն կոչվող հանցախմբի կողմից Հանրապետության նախագահի պաշտոնում հայտնված արարածը, ով, համաձայն Սահմանադրության 123-րդ հոդվածի, պարտավոր է հետեւել Սահմանադրության պահպանմանը, մասնակցել է ՀՀ վարչապետին կից տնտեսական քաղաքականության խորհրդի նիստի աշխատանքները` փաստացի պաշտոնապես ընդունելով վարչապետին ենթակա լինելու իր կարգավիճակը։ Հարկ է նկատել, որ այդ նիստն էլ կազմակերպվել է մեկ այլ անկախ սահմանադրական մարմնի` Կենտրոնական բանկին պատկանող տարածքում` կառավարության գործունեությունը վերահսկելու քաղաքական պատասխանատվություն կրող Ազգային ժողովի պատգամավորների մասնակցությամբ։ Այդ պաշտոնական հաղորդագրությունը հաստատում է, որ մեր երկրում Սահմանադրական կարգը տապալվել է և բոլոր անկախ սահմանադրական մարմինները դարձել են վարչապետին ենթականեր։ Վարչապետն էլ լինի ով. մի անմիտ, կիսագրագետ, անդաստիարակ պատուհաս, որի խնդիրը Հայաստանի կործանումն է և թշնամու շահերի սպասարկումն է։
Հ.Գ. Վահագն Խաչատուրյանը Հանրապետության նախագահի պաշտոնում ընտրվելուց հետո շարունակում է զբաղեցնել նաև ՀՊՏՀ կառավարման խորհրդի նախագահի պաշտոնը, ինչն արգելված է Սահմանադրությամբ։ Այդ տեղեկությունը պաշտոնապես հաստատել է ՀՊՏՀ ռեկտորն` իր գրությամբ։
Էդգար Ղազարյան
Կարծիքներ