Հարմար եմ գտել այլ անձի դիտարկել այդ պաշտոնի համար

Քիչ առաջ կառավարության ներկայացուցիչների ճեպազրույցների ժամանակ ՀՀ առողջապահության նախարար Անահիտ Ավանեսյանը հայտարարեց, որ փոխնախարար Արմեն Նազարյանին առաջարկել է տեղափոխվել այլ պաշտոնի:  

«Հաշվի առնելով մեր կապիտալ շինարարությունների մեծ ծավալը և պատասխանատվության այն շրջանակը, որ անհրաժեշտ է իր վրա կրի համակարգող փոխնախարարը, հարմար եմ գտել, որ այլ անձի դիտարկեմ այդտեղ նշանակելու համար»,- ասաց Ավանեսյանը։

«Արմեն Նազարյանն այժմ արձակուրդում է, որի ժամկետի ավարտից հետո նա աշխատանքից ազատվելու դիմում է ներկայացրել»,- պնդեց նա։

Լրագրողների դիտարկմանը, թե ԾԻԳ ղեկավար Երվանդ Էլիբեկյանն ինչու է ազատվել զբաղեցրած պաշտոնից, նախարարը արձագանքեց․

«Երվանդ Էլիբեկյանն էլ աշխատանքից ազատվել է կապիտալ շինարարությունների ընթացքի կառավարման ու իր առջև դրված պահանջների կատարման հետ կապված։ Ես ներկայացրել եմ իմ պահանջներն ու դրա հետ կապված փաստարկներ եմ ներկայացրել, և նա իր դիմումի համաձայն ազատվել է աշխատանքից՝ համաձայն լինելով, որ չի կատարվել աշխատանքն ըստ իմ պահանջի»։