ՀՀ-ում պետական հեղաշրջում անելու կոչ չենք արել․ ՌԴ ԱԳՆ-ն հակադարձեց Փաշինյանին

Հայաստանի վարչապետ Նիկոլ Փաշինյանի խոսքերը՝ Ռուսաստանի կողմից պետական ​​հեղաշրջման ենթադրյալ կոչերի մասին, «ոչ մի հիմք չունեն», Մոսկվան երբեք «նման բան չի նույնիսկ չի էլ ակնարկել»։ 
Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Հայաստանի վարչապետի այն պնդումները, որոնք դուք նշեցիք, ոչ մի հիմք չունեն»,- դիմելով լրագրողին՝ ասել է Զախարովան,-Ռուս պաշտոնյաները երբեք որևէ տեղ չեն էլ ակնարկել օրինական ընտրված իշխանությունների տապալման մասին»:

Զախարովայի խոսքով, ռուսական կողմը «նման մոտեցում ունի Երևանի ներկայիս իշխանությունների և Երևանի նախորդ իշխանությունների և իսկապես ցանկացած ինքնիշխան պետության առնչությամբ»։
«Տրամաբանական հարց է ծագում. նրանք, որոնք հիմա Երևանում իշխանության ղեկին են, իրենք հավատարի՞մ են այս տրամաբանությանը այլ երկրների կամ իրենց ներքաղաքական գործընթացների հետ կապված»,- ասել է նա։

Ավելի վաղ Փաշինյանը France 24 հեռուստաալիքին տված հարցազրույցում հայտարարել էր, որ ռուս պաշտոնյաները 2024 թվականի աշնանը կոչ էին անում տապալել պետական ​​իշխանությունը Հայաստանում։

Զախարովան նաև հավելել է, որ Ռուսաստանը ելնում է նրանից, որ Հայաստանը մնում է Հավաքական անվտանգության պայմանագրի կազմակերպության (ՀԱՊԿ) լիիրավ անդամ՝ բոլոր իրավունքներով և պարտավորություններով։

Միևնույն ժամանակ, նրա խոսքով, Մոսկվան «ափսոսում է, որ կազմակերպության միջոցառումներին Երևանի մասնակցության դինամիկան նվազել է»։