Մարդիկ հանգստանում են, ես աշխատում եմ. Նարեկ Մանուկյանն իր պարգեւատրումների մասին

Գեղարքունիքի մարզպետը, ետ չմնալով մյուս մարզպետներից, տարեվերջում իրեն եւ մարզպետարանի 23 աշխատակցի պարգեւատրեց մեկ աշխատավարձի չափով՝  ընդhանուր գումարը կազմել է 7մլն. 782 հազար 878 դրամ:  

Ապրիլի 8-ին մարզպետը կրկին պարգեւատրել է իր օգնականին, մեկ ամսվա պաշտոնային դրույքաչափով: Նարեկ Մանուկյանը մարզպետի օգնական է նշանակվել 2018թ.-ի  հոկտեմբերի 22-ին եւ 6 ամսվա մեջ պարգեւատրվել է 2 անգամ:

Մանուկյանից հետաքրքրվեցինք, թե կատարած ո՞ր աշխատանքի համար է երկրորդ անգամ պարգեւատրվել. «Գիտեք չէ, որ պետական աշխատողների աշխատանքի ժամը վերջանում է ժամը 6-ին: Իմ աշխատանքային ժամը վերջանում է երեկոյան 10-ին, 11-ին: Երկրորդը՝ շաբաթ, կիրակի օրերին մարդիկ հանգստանում են չէ՞, հավատացեք՝ 6 ամսվա ընթացքում 3 անգամ եմ մնացել տանը: Աշխատանքս շատ ծանրաբեռնված է, երեւի էլ չշարունակեմ»: