Վստահ է՝ Արեւմուտքում քաղաքացիական պատերազմ կսկսվի 

Ուշ, թե շուտ Արեւմուտքում քաղաքացիական պատերազմ կսկսվի՝ ուզում ենք մենք դա, թե՝ ոչ։ Այս մասին իր սոցկայքային էջում գրել է հայտնի ամերիկացի գործարար Իլոն Մասկը։ Նա այս կերպ արձագանքել է կանադացի պրոֆեսոր Գադ Սաադի հայտարարությանը, թե Արեւմուտքի ընտրած ճանապարհը քաղաքակրթական ինքնասպանություն է։

Գիտնականը մասնավորապես ասել էր, որ միգրանտների չկարգավորված հոսքը Արեւմուտքի երկրներ, ի վերջո, բերելու է նրան, որ տեղացիները ոտքի կանգնեն ու սկսվի քաղաքացիական պատերազմ։