Սկսել են բաժանել բանակի համար պահեստավորած սնունդը՝ զանգվածային սովահարությունից խուսափելու համար

Հյուսիսային Կորեայում սկսել են բնակչությանը բաժանել բանակի համար նախատեսված պահեստավորված սնունդը՝ զանգվածային սովահարությունից խուսափելու համար։ Այս մասին հայտնում է Associated Press լրատվական գործակալությունը։

Սովի նոր ալիքը սպառնում է Հյուսիսային Կորեային՝ կորոնավիրուսային պանդեմիայի, ինչպես նաեւ այս տարի կլիմայում տեղ գտած սուր փոփոխությունների պատճառով։ Հյուսիսային Կորեայում երաշտ է եւ շոգ եղանակ, որը բացասաբար է ազդել բրնձի՝ աշնանը հավաքվելիք բերքի վրա։

Հիշեցնենք, որ բրինձը այս երկրում համարվում է ամենից արժեքավոր գյուղնշանակության մշակաբույսը։ Էական հարված է հասցվել նաեւ անասնապահությանը։ Փհենյանը սովի դեմ պայքարը դիտարկում է որպես ազգի գոյատեւման համար մղած պայքար։