Նոր ռազմական օպերացիա չեն իրականացնի

Մոսկվան, Անկարան եւ Թեհրանը համաձայնել են, որ անհրաժեշտ են լրացուցիչ գործողություններ Իդլիբը ահաբեկիչներից մաքրելու համար, սակայն խոսքը նոր ռազմական օպերացիայի մասին չէ։ Այս մասին հայտարարել է Կրեմլի խոսնակ Դմիտրի Պեսկովը։

«Դրանք լինելու են գործողություններ, որոնք միտված են լինելու Իդլիբը ահաբեկիչներից մաքրելու համար, որոնք ներկայումս վերահսկում են տարածքի մեծ մասը»,- պարզաբանել է Պեսկովը՝ ներկայացնելով Մոսկվա-Թեհրան-Անկարա բարձր մակարդակի հանդիպումը՝ Սիրիայի վերաբերյալ։ Ինչպես գրում է «Լայֆը», Պեսկովն իր խոսքում ընդգծել է, որ նոր ռազմական օպերացիա չի ծրագրվում։