Երեկ մեկնարկել է ծեծված փոխգնդապետի գործով նիստը
Արարատի և Վայոց ձորի մարզերի ընդհանուր իրավասության առաջին ատյանի դատարանի դատավոր Հարություն Պետրոսյանի նախագահությամբ երեկ մեկնարկել է ծեծված փոխգնդապետ Արա Մխիթարյանի գործը։
Մեզ հետ զրույցում փոխգնդապետի եղբայրը՝ Կարեն Մխիթարյանն ասաց, որ դատական նիստը հետաձգվել է պաշտպանական կողմի պաշտպանի միջնորդությամբ․ «Վկաների, փաստաթղթերի հետ կապված ինչ-որ հարց եղավ, միջնորդեցին հետաձգել։ Հաջորդ դատական նիստը նշանակվեց սեպտեմբերի 11-ին»։
Նշենք, որ ՀՀ ԶՈւ փոխգնդապետ Արա Մխիթարյանի գործով մեղադրանք է առաջադրվել Զավեն Գրիգորյանին։
ՀՀ Քննչական կոմիտեն հայտնել էր, որ նրան մեղադրանք է առաջադրվել՝ ՀՀ ՔՕ 112-րդ հոդվածի 2-րդ մասի 6-րդ կետով (Դիտավորությամբ առողջությանը ծանր վնաս պատճառելը) նույն արարքը, որը կատարվել է մի խումբ անձանց կամ կազմակերպված խմբի կողմից]։
Ավելի վաղ ձերբակալվել և կալանավորվել էր Զավեն Գրիգորյանի եղբայրը՝ Վայոց ձորի մարզպետի օգնական Հարություն Գրիգորյանը։ Վերջինիս մեղադրանք էր առաջադրվել ՔՕ 112–րդ հոդվածի 1-ին մասով (Դիտավորությամբ առողջությանը ծանր վնաս պատճառելը):
Կարծիքներ