Գրիչի պատմության մեջ ոչ մի քաղաքական բովանդակություն չկա
Գրիչի պատմության մեջ ոչ մի քաղաքական բովանդակություն չկա, դրա համար ես հարկ էլ չեմ համարում դա մեկնաբանել: Այս մասին այսօր՝ հունվարի 29-ին, ԱԺ-ում լրագրողների հետ զրույցում նշեց ԱԺ ԲՀԿ խմբակցության ղեկավար Գագիկ Ծառուկյանը՝ անդրադառնալով Նիկոլ Փաշինյան-Հրայր Թովմասյանի հեռակա բանավեճին:
Խոսելով ԱԺ փոխնախագահ Ալեն Սիմոնյանի եւ ԱԱԾ նախկին տնօրեն Արթուր Վանեցյանի բանավեճի եւ այն մասին,որ դա թեւակոխել է անձնական տիրույթ, Ծառուկյանն ասաց. «Ես կցանկանամ քաղաքական բոլոր գործիչներին խորհուրդ տալ,որ երբեք ու երբեք անձնականը չխառնեն քաղաքականության մեջ»:
Ծառուկյանը հիշեցրեց,որ ավելի վաղ է ինքը հայտնել, թե անթույլատրելի է ընտանիքը խառնել քաղաքականությանը։ «Ամիսներ առաջ ես նույնը ասել եմ, երբ հարցաքննության էին կանչել Հրայր Թովմասյանի աղջիկներին: Ես ասացի, որ պետք չի քաղաքականությունը մտնի ընտանիք. Ընտանիքը սրբություն է, որեւէ մեկը չպետք է իրեն թույլ տա մտնել ընտանիք»:
Կարծիքներ