Ճապոնիայում հայտարարել են Փհենյանի հետ հարաբերությունների վերականգնման նախապայմանների մասին

hraparak 10 Մայիս 2018 | 06:00 0

Ճապոնիայի վարչապետ Սինդձո Աբեն հայտարարել է, որ իր երկիրը կվերականգնի հարաբերությունները Հյուսիսային Կորեայի հետ, եթե հյուսիսկորեական իշխանությունները լուծեն ճապոնացի քաղաքացիների առեւանգման հարցը:

Այս մասին հայտնում է Reuters լրատվական գործակալությունը:

Նշվում է, որ այս մասին Ճապոնիայի վարչապետը հայտարարել է Չինաստանի վարչապետ Լի Կեցյանի եւ Հարավային Կորեայի նախագահ Մուն Չժե Ինի հետ Տոկիոյում ունեցած հանդիպման ժամանակ, երբ Չինաստանի վարչապետն առաջարկել է վերսկսել քաղաքական երկխոսությունը Ճապոնիայի եւ Հյուսիսային Կորեայի միջեւ:

Ավելի վաղ Փհենյանը հայտարարել էր, որ տասնամյակներ առաջ Ճապոնիայի 13 քաղաքացու են առեւանգել՝ նրանց որպես լրտես պատրաստելու եւ հետ՝ հայրենիք ուղարկելու համար:

Նշենք, որ ներկայումս Ճապոնիան եւ ԱՄՆ-ն դեռեւս կշարունակեն ճնշում գործադրել Փհենյանի վրա: