Քաղաքական ենթատեքստ չկա․ Լեւոն Մկրտչյանը՝ ռուսաց լեզվի շուրջ բարձրացված աղմուկի մասին (տեսանյութ)
«Միառժամանակ դրված են չորս լեզուների՝ անգլերենի, ֆրանսերենի, գերմաներենի եւ ռուսերենի հայեցակարգեր։ Եթե Հայաստանը ուզում է դառնալ բնական գիտությունների տարածք, պետք է օտար լեզուների դասավանդման որակները կտրուկ բարձրացվի»։ Այս մասին այսօր Հայաստան-Սփյուռք 6-րդ համաժողովի ժամանակ լրագրողների հետ զրույցում ասաց ԿԳ նախարար Լեւոն Մկրտչյանը՝ անդրադառնալով ռուսաց լեզվի դասավանդման խորացման շուրջ ստեղծված աղմուկին:
Լեւոն Մկրտչյանը նշեց, որ հայեցակարգերում դրված է որակները բարձրացնելու մեխանիկան եւ քաղաքական ենթատեքստ չկա։ «Մենք անկախ երկիր ենք, որտեղ պետական լեզուն հայերենն է»։
Նշենք, որ վարչապետ Կարեն Կարապետյանի հանձնարարականով կրթության և գիտության նախարարությունը մշակել է դպրոցներում ռուսաց լեզվի դասավանդման հայեցակարգ, ըստ որի՝ Հայաստանում ռուսերենի խորացված ուսուցումը կարևորագույն խնդիրներից է:
Կարծիքներ