Թուրքիայում ոստիկանը կրակ է բացել իր գործընկերների վրա. կան զոհեր
Թուրքիայի Ադըյաման քաղաքում ոստիկանը, ով հերթապահում էր բաժանմունքում, կրակ է բացել իր գործընկերների վրա, հայտնում է TGRT Haber-ը։
«Շտապ լուր. սարսափելի դեպք է տեղի ունեցել Ադիյամանում. ոստիկանը կրակ է բացել ոստիկանական բաժանմունքում։ Հարձակման հետևանքով առնվազն երկու ոստիկան վիրավորվել է»,– հաղորդել է հեռուստաալիքը։
Ոստիկանության բաժին են ուղարկվել շտապօգնության մի շարք մեքենաներ։
Halk TV-ն, հղում անելով ոստիկանությունում իր աղբյուրներին, հայտնել է, որ կրակոցների հետևանքով երկու իրավապահ զոհվել է, ևս ութը վիրավորվել են։
«Ամբողջ քաղաքում լսվում են շտապօգնության մեքենաների ազդանշանները, հեռախոսներն անջատված են. 2 ոստիկան զոհվել է, 8 ոստիկան վիրավորվել», – ուղիղ հեռարձակում է իրականացրել հեռուստաալիքը։
Հեռուստաալիքի զրուցակիցները պատմել են, որ կրակ բացած աշխատակիցը վիճաբանել է բաժնի գլխավոր տեսուչի հետ։
Հեռուստաալիքի տվյալներով՝ ոստիկանական բաժանմունքի պետը սպանվել է հրաձգության հետևանքով։
Պաշտոնական գերատեսչությունները դեռ չեն մեկնաբանել իրավիճակը, չեն պարզաբանել զոհերի և վիրավորների մասին տվյալները։
Թուրքիայի ՆԳՆ ղեկավարը Տելեգրամ ալիքում հայտնել է, որ երկրի հարավ-արևելքում գտնվող ոստիկանական բաժանմունքում հրաձգություն կազմակերպողին զինաթափել են և կալանավորել:
Կարծիքներ