Բյուրական գյուղի հարակից անտառում հրդեհաշիջման աշխատանքները շարունակվում են

Արագածոտնի մարզի Բյուրական գյուղի հարակից անտառում սեպտեմբերի 4-ին, ժամը 11:10-ի դրությամբ հայտնաբերվել է հրդեհի նոր օջախ, տեղեկացնում է ԱԻՆ կայքը:

Ժամը 12:09-ին դեպքի վայր է մեկնել մեկ մարտական հաշվարկ:

Հրդեհաշիջման աշխատանքներին մասնակցում է 71 հրշեջ-փրկարար, ՀՀ ՊՆ 54 զինծառայող, անտառտնտեսության 30, ոստիկանության 25, քաղաքապետարանից 20 աշխատակից և Բյուրական ու Օրգով գյուղերից շուրջ 115 բնակիչ:

Ավելի վաղ հայտարարվել էր, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:

Դեպքի վայր էր մեկնել երկու մարտական հաշվարկ և արտակարգ իրավիճակների արձագանքման խումբը:

Նախնական տվյալների համաձայն՝ մոտ 20 հա տարածքում այրվել է բուսածածկ և անտառածածկ տարածք: