Սյունիքի մարզպետն ահաբեկում է բնապահպաններին

Մենք գրել էինք, որ վաղը կայանալիք Տաթեւ-Հալիձոր ճոպանուղու բացման հանդիսությանը «Ժառանգություն» կուսակցության երիտթեւն ու մի շարք բնապահպանական ՀԿ-ներ Սյունիքի մարզի բնակչության հետ համատեղ ակցիա են նախաձեռնելու ուրանի հարստացման ծրագրի դեմ: Ակցիայի մասին լուրն այն աստիճան է վրդովեցրել Սյունիքի ՀՀԿ-ական մարզպետ Սուրիկ Խաչատրյանին, որ նա անձամբ է փորձել ակցիայի առաջն առնել: Սյունիքի մարզի մեր աղբյուրների փոխանցմամբ, մարզպետը «դաստիարակչական» զրույցներ է ունեցել տեղական բնապահպանական ՀԿ-ների ու ակտիվի հետ՝ ահաբեկելով նրանց, որ ակցիային չմասնակցեն: Բնապահպաններն իհարկե չեն պատրաստվում ընկրկել եւ վճռական են տրամադրված: Հիշեցնենք, որ ուրանի շահագործման աղետաբեր ծրագիրը կանխելու նպատակով բնապահպանները նախատեսում են նամակ հանձնել ճոպանուղու նախագծի ղեկավարներին: