Հարկադիր կատարման ծառայության ղեկավարն ամենազոր է
![Անահիտ Բախշյան](/images/2010/10/1-ej-mejtexi-lur7-e1287592683930-400x250.jpg)
«1. Ինչո՞ւ հեռուստալրատվամիջոցները պաշտոնապես չեն հրապարակել ՀՀ գլխավոր հարկադիր կատարողի էթիկայի խախտման փաստի մասին լուրը, որպեսզի հասարակությունն ընկալի հրամանագիրը: «ԴԱՀԿ ծառայության մասին» ՀՀ օրենքում գրված է. «Կարգապահական տույժը նշանակվում է, եթե վեց ամսից ավելի չի անցել կարգապահական խախտումը հայտնաբերելու օրվանից` չհաշված հիվանդությունը կամ արձակուրդում գտնվելը,. ընդ որում, նշանակվող տույժը պետք է համապատասխանի կատարված խախտման բնույթին եւ վտանգավորության աստիճանին»:
1. Ե՞րբ է խախտումը տեղի ունեցել, անցե՞լ է արդյոք այն վեց ամիսը, որի ընթացքում պետք է նշանակվեր կարգապահական տույժը, կամ գուցե նախարարը պատրաստվում էր դիմել նախագահին` ծառայությունից ազատելու միջնորդությամբ:
2. Ի՞նչ է նշանակում էթիկայի կանոնների լուրջ խախտում, եւ ի՞նչ եք ակնկալել նախարարից որպես հրապարակային պատիժ:
3. Արդյո՞ք էթիկայի կանոնները լրջորեն խախտած ՀՀ գլխավոր հարկադիր կատարողը շարունակում է աշխատել իր պաշտոնում:
4. Ինչո՞ւ օրենքները խախտած պետական պաշտոնյաներն օրենքով չեն պատժվում:
5. Որպես պատգամավորներ, մենք կարող ենք վկայել, որ կառավարության անդամներից շատերն են իրենց աշխատանքային պարտականությունները ոչ պատշաճ կատարում եւ շատ ավելի վատ, քան արդարադատության նախարարը: Ինչքանո՞վ է արդարացի ՀՀ նախագահի հրամանագիրը` հատկապես նրա նկատմամբ»:
Վարչապետի աշխատակազմի ղեկավարը պատասխանել է. ««Դատական ակտերի հարկադիր կատարումն ապահովող ծառայության մասին» ՀՀ օրենքի 19-րդ հոդվածով սահմանված են այն կարգապահական տույժերը, որոնք կարող են կիրառվել ԴԱՀԿ ծառայողի կողմից վարքագծի կանոնները ոչ պատշաճ կատարելու համար, իսկ 35-րդ հոդվածը սահմանում է հարկադիր կատարողի, այդ թվում գլխավոր հարկադիր կատարողի նկատմամբ կարգապահական տույժ կիրառելու հիմքերը, կարգն ու պայմանները:
Գլխավոր հարկադիր կատարողի նկատմամբ կարգապահական պատասխանատվության ենթարկելու արդարադատության նախարարին տրված հանձնարարականն անմիջապես հաջորդել է խախտման փաստին: Արդարադատության նախարարը կարող էր իր հայեցողությամբ կիրառել կարգապահական տույժերից որեւէ մեկը, այդ թվում՝ միջնորդել ՀՀ նախագահին` գլխավոր հարկադիր կատարողի նկատմամբ կիրառել «ծառայությունից ազատում» կարգապահական տույժը: Սակայն դրանից հետո ավելի քան մեկ ամիս արդարադատության նախարարի կողմից հանձնարարականի կատարման ուղղությամբ որեւէ գործողություն չի կատարվել:
Օրենսդրորեն գլխավոր հարկադիր կատարողի կողմից թույլ տրված խախտման բնույթն ու բովանդակութունը չի համադրվում արդարադատության նախարարի կողմից թույլ տրված խախտման առնչությամբ կիրառվող պատասխանատվության տեսակի ընտրության հետ: Խախտում թույլ տված երկու պաշտոնատար անձինք ենթարկվել են կարգապահական պատասխանատվության` ՀՀ օրենսդրությամբ սահմանված կարգով: Միաժամանակ, «օրենքները խախտած պետական պաշտոնյաներին» չպատժելու վերաբերյալ Ձեր պնդումների առնչությամբ հայտնում ենք մեր պատասխանատվությունը՝ քննարկման առարկա դարձնել համանման դեպք»:
![logo](/images/2010/09/logo1.jpg)
Կարծիքներ