Մակրոնին մեղադրում են «հեղաշրջում» նախապատրաստելու մեջ

Ֆրանսիայի նախագահ Էմանուել Մակրոնը «վարչական հեղաշրջում» է նախապատրաստում կառավարական կառույցներում՝ վերջին րոպեին փոփոխություններ կատարելով, որպեսզի ապագա ընդդիմադիր վարչապետը չկառավարի երկիրը։ 

Այս կարծիքը France Inter ռադիոյի եթերում հայտնել է ծայրահեղ աջ «Ազգային միավորում» կուսակցության խորհրդարանական խմբակցության ղեկավար Մարին Լը Պենը։

«Երբ կարդացի, որ նախագահը պատրաստվում է վաղը, այսինքն՝ ընտրությունների երկրորդ փուլից չորս օր առաջ, նշանակել ազգային ոստիկանության նոր պետ, թեև նա պետք է մնար մինչև Օլիմպիական խաղերի ավարտը, ինչպես նաև Ազգային ժանդարմերիայի տնօրեն, տասնյակ պրեֆեկտների ղեկավարների և շատ այլոց, որոնց նպատակն է թույլ չտալ Ժորդան Բարդելային կառավարել երկիրը այնպես, ինչպես ցանկանում է, ես կարծում եմ, որ սա վարչական պետական ​​հեղաշրջման ձև է», - ասել է Լը Պենը:

«Եթե դուք ցրում եք խորհրդարանը՝ միաժամանակ ասելով, որ այն չպետք է իշխանության բերի ձեր ընդդիմախոսներին, ապա խորհրդարանը ցրելու կարիք ընդհանրապես չկա»,- ասել է Լը Պենը։