ՀԴՄ կտրոններ` վիրավորանքներով
hraparak
11 Հունիս 2011 | 07:52
0
Ռուսաստանի Չելյաբինսկ քաղաքի 25 բնակիչներ զարմացել են, երբ «Պիտյորեչկա» խանութից վերցրած ՀԴՄ կտրոնի վրա վիրավորական արտահայտություններ են հայտնաբերել: «Փախիր այստեղից, քանի ողջ ես». այս գրությունը բարկացրել է գնորդներից շատերին:Նրանցից մեկն այն լրագրողներին է տվել, ովքեր փորձել են բացատրություններ ստանալ խանութի ներկայացուցիչներից: Աշխատակիցներն ընդունել են, որ այդ կտրոնն իրենք են տրամադրել, սակայն հրաժարվել են պատասխանել լրագրողների հարցերին:
Իսկ ադմինիստրացիան, այնուամենայնիվ, ստիպված է եղել բացատրություն տալ. «Մեր աշխատակիցները կատակել են միմյանց հետ՝ կտրոնների վրա նման գրություններ տպագրելով, այնուհետեւ մոռացել են այդ գրությունը ջնջել համակարգչից, եւ այն տպագրվել է նաեւ 25 հաճախորդներին տրամադրված կտրոնների վրա»:
Կարծիքներ