Րաֆֆի Հովհաննիսյանը փորձեց լցնել Գագիկ Ծառուկյանի նահանջից հետո դաշտում առաջացած բացը

Երեկ Րաֆֆի Հովհաննիսյանը փորձեց լցնել Գագիկ Ծառուկյանի նահանջից հետո դաշտում առաջացած բացը: Նա հայտարարեց, որ ասուլիսի է եկել լրագրողների համար ուղերձ կարդալու, իսկ հարցերին կպատասխանի ուրբաթ օրը՝ փետրվարի 20-ին, ժամը 16-ին: Հասկանալի է, որ նա որոշել է փետրվարի 20-ի հանրահավաքը միայնակ իրականացնել եւ այդ նպատակով է լրագրողներին հրավիրում Ազատության հրապարակ: Միակ հարցը, որին նա պատասխանել է՝ իսկ ովքե՞ր են լինելու այդ օրը Ազատության հրապարակում, չէ՞ որ այսօր պարզ դարձավ, որ հանրահավաքը չեղյալ է հայտարարվել, «Ժառանգության» առաջնորդն ասել է. «Ես որ լինելու եմ, ինձ բացակա չդնեք»: