«Բարգավաճ Հայաստան» կուսակցության հետ այս կամ այն կերպ կապված լրատվամիջոցները հայտնվել են ծանր կացության մեջ

«Բարգավաճ Հայաստան» կուսակցության հետ այս կամ այն կերպ կապված լրատվամիջոցները հայտնվել են ծանր կացության մեջ: Մեր տեղեկություններով՝ «7օր» եւ Zham.am կայքերի գոյությունը վտանգված է: Դրանք հայտնվել են փակման շեմին եւ հնարավոր է առաջիկայում դադարեցնեն գործունեությունը, մինչեւ նոր ֆինանսական աղբյուր գտնելը: Կրճատումներ են եղել նաեւ նախկին արտգործնախարար, ԲՀԿ-ական պատգամավոր Վարդան Օսկանյանին պատկանող «Սիվիլնեթում»: Ի դեպ, որոշ տեղեկությունների համաձայն, իշխանությունների կողմից Գագիկ Ծառուկյանի առջեւ ոչ միայն «Կենտրոն» հեռուստաընկերությունից հրաժարվելու, այլեւ իրեն սպասարկող կայքերը փակելու պահանջ է դրվել: Արդեն գրել ենք, որ «Կենտրոն» ՀԸ-ում քաղաքական հաղորդումների մասով «կուրացիա» է անում նախագահի մամուլի քարտուղար Արման Սաղաթելյանը: