Ժան Ռենոն՝ Ցեղասպանության մասին Քըրքորյանի ֆիլմում
hraparak
2 Հոկտեմբեր 2015 | 23:00
0
Variety ամերիկյան հանդեսը մանրամասներ է հայտնել Հայոց ցեղասպանության մասին Քըրք Քըրքորյանի «Խոստումը» ֆիլմի դերասանական կազմի համալրման ու սյուժետային գծի մասին:
Ըստ այդմ` արդեն հայտնի դերասանական աստղաբույլին (Քրիստիան Բեյլ, Օսկար Այզեք, Շառլոտ լը Բոն, Անժելա Սարաֆյան) միացել են նաև անվանի դերասաններ Ջեյմս Քրոմվելը և Ժան Ռենոն: Ռենոն հայ հանդիսատեսին հայտնի է «Լեո» մարտաֆիլմից:
Ռեժիսոր Թերի Գորջի «Խոստումը» ֆիլմը, ըստ նոր մանրամասների, ներկայացնելու է 1922-ին ծավալվող դեպքեր` սիրային եռանկյունի Փարիզում աշխատող ամերիկացի լրագրողի ու տեղացի գեղեցկուհու և ուսանողի միջև: Նրանց համապատասխանաբար մարմնավորում են Բեյլը, Լը Բոնը և Այզեքը:
Նոր դերակատարներից Քրոմվելը կմարմնավորի ԱՄՆ-ի դեսպանին, Ժան Ռենոն` ֆրանսիացի ադմիրալի: Ֆիլմի նկարահանումները արդեն սկսվել են Իսպանիայում և Պորտուգալիայում, կտևեն մինչև դեկտեմբեր:
Կարծիքներ