Ծիտիկի ոտը փուշ է մտել ու մեկը չկա, որ հանի…
Ես ավելի քան լուրջ էի պատկերացնում Դաշնակցության մուտքը իշխանություն: Կգան՝ ուս- ուսի կտան ու սայլը ցեխից կհանեն:
… Բայց պարզվում է, որ նրանք անգամ չեն պատկերացնում այն պատասխանատու ու ծանր բեռը, որ կրելու են իրենց ուսերին: Գիտեն թե ժողովուրդը մի ծիտ է ու ոտը փուշ է մտել, գալու, հանելու են:
Ու վերջ:
Ահա թե դա ինչպես է մեկնաբանում Հրանտ Մարգարյանը.
«Մենք ճիգ ենք թափում, որովհետև ուրիշ մեկը կա՞, որ այս ժողովրդի մատից փուշ հանի, վերջապես այդ փուշն է, որ պետք է կարողանանք հանել»:
Ազգովի գոռում ենք՝ կրկներգ.
Չէ, չկա:
Հեղափոխությունն ավարտվել է արդեն ու մնացել է ծիտիկի ոտից փուշ հանելը.
« …նոր կանոններ են ճշտվել, նոր մթնոլորտ է ձևավորվում այս երկրում, հեղափոխությունների ժամանակաշրջանն ավարտվել է»:
Այս խաղաղ պայմաններում մնում է ընդամենը ծիտիկ ոտից փուշը հանել:
Ծիտիկի ոտը փուշ է մտել ու ինչպես Հրանտ Մարգարյանն է ասում մեկը չկա, որ հանի:
Իրենք գալիս են իշխանություն, որ հանեն:
Որտեղից որտեղ տրամաբանության մեջ չտեղավորվող այս տրամաբանական հարցն է առաջանում՝ մի փուշն ի՞նչ է, որ իշխանությունը չկարողացավ հանել, դաշնակցությանը կանչեց, որ հանի…
Հասմիկ Բաբաջանյան
Կարծիքներ