ՏԻՄ ընտրություններին կհետևի մեկ միջազգային և 10 տեղական կազմակերպություն
hraparak
10 Սեպտեմբեր 2016 | 08:45
0
Կենտրոնական ընտրական հանձնաժողովի պաշտոնական կայքի փոխանցմամբ՝ սեպտեմբերի 18-ին կայանալիք տեղական ինքնակառավարման մարմինների ընտրություններին դիտորդական առաքելություն կիրականացնելու համար հավատարմագրվել է ընդամենը մեկ միջազգային կազմակերպություն:
Այդ կազմակերպությունը Եվրոպայի խորհրդի տեղական և տարածքային իշխանությունների կոնգրեսն է:
ՏԻՄ ընտրություններին Հայաստանից կհետևի տասը կազմակերպություն: Դրանք են՝
«Ընտրական համակարգեր կենտրոն» -7 դիտորդ
«Կայլաս» ժողովրդավարության աջակցության -56 դիտորդ
«Լեգալ Պրոգրես իրավական ակումբ» -10 դիտորդ
«Միավորում» սոցիալական շարժում- 2 դիտորդ
«Հանրային դիվանագիտություն» -3 դիտորդ
«Հայք» երիտասարդ ազգային պահպանողականների միավորում-67 դիտորդ
«Թրանսփարենսի ինթերնեշնլ հակակոռուպցիոն կենտրոն» -37 դիտորդ,
«Ժողովրդավարություն և ընտրական գործընթացներ» միջազգային կենտրոն -4 դիտորդ
«Շահեն» -131 դիտորդ
«Իրավունքի Եվրոպա միավորում» -36 դիտորդ
Սեպտեմբերի 18-ին ՏԻՄ ընտրություններ տեղի կունենան Արագածոտնի, Արարատի, Արմավիրի, Սյունիքի, Տավուշի մարզերի թվով 317 համայնքներում։
Ընտրություններին որպես համայնքի ղեկավարի թեկնածու կմասնակցի 408 թեկնածու, 140 թեկնածու ինքնաբացարկի դիմում է ներկայացրել: Ավագանու անդամի 2 825 գրանցված թեկնածուներից ինքնաբացարկի դիմում ներկայացրել են 132-ը:
Կարծիքներ