Հայտնիները վերահսկում են ՏԻՄ ընտրությունները

ՀՀ ԱԺ պատամավոր Հեղինե Բիշարյանը Վանաձորի Աբելյանի անվան թատրոնի շենքի մոտ նկատել է, որ «Պորշե» մակնիշի ավտոմեքենայի մեջ ընտրակաշառք են բաժանում: Տիկինը, սակայն, այդ արտառոց դեպքի մասին բարձրաձայնել է քաղաքի մեկ այլ տեղամասում, որտեղ լրագրոներ են եղել:

Հարց՝ ինչո՞ւ ԱԺ պատգամավորը հենց տեղում ոստիկանություն չկանչեց և չկասեցրեց ընտրակաշառք բաժանելու գործընթացը:

***

Վանաձորում ընտրակաշառք բաժանելու մասին լուրը տագնապեցրել է նաև ԱԺ պատգամավոր Էդմոն Մարուքյանին, որի եղբայրն է պայքարում քաղաքապետի աթոռի համար: Մարուքյանը, որպես բանիմաց պատգամավոր, դուզ գնացել է ՀՀԿ-ականների մոտ ու ասել, թե այս ինչ բան է, փող են բաժանում:

ՀՀԿ-ականները զարմացել են.

-Ո՞վ, մե՞նք:

- Հա,- ասել է Մարուքյանը,- ուրիշ էլ ո՞վ, չէ՞ որ միայն դուք փող ունեք:

ՀՀԿ-ականները Մարուքյանին ուրիշ կողմ են ցույց տվել, և Մարուքյանը իսկույն հավատացել է:

Այսպես էլ լուսավորում են լուսավորյալները:

***

Գյումրիում Նիկոլ Փաշինյանը ՀԱԿ-ԲՀԿ համագործակցության դեպք է հայտնաբերել վստահված անձանց մակարդակով:

- Ուրախ եմ,- ասել է Փաշինյանը և դիմել հանձնաժողովի նախագահին,- խնդրում եմ այդպես էլ արձանագրել՝ ՀԱԿ վստահված անձը...

***

Գյումրու քաղաքապետի թեկնածու Հովհաննես Մարգարյանը հայտարարել էր, որ Գյումրիում հոսանքազրկումներ են լինելու, բնականաբար ընտրակեղծիքներ անելու նպատակով:

Դիմեցինք քաղաքի գլխավոր էլեկտրիկ ուստա Մուկուչին՝ ճի՞շտ է ասում, արդյոք, աշխարհում ամեն ինչ տեսած Հովհաննես Մարգարյանը:

- Չէ, ղուրբանդ էղնիմ, գնացեք Օնոյին ըսեք, որ պլանները փոխվել են,- պատասխանեց գլխավոր էլեկտրիկը:

Էդիկ Անդրեասյան