Ասադի ռեժիմին Սիրայում այլընտրանք չկա. Մարին Լե Պեն

 Ֆրանսիայի նախագահի թեկնածու, «Ազագային ճակատ» կուսակցության առաջնորդ Մարին Լե Պենը համարում է, որ ընթացիկ պայմաններում Սիրիայի նախագահ բաշար Ասադին այլընտրանք չկա: Այս մասին նա հայտարարել է Լիբանան կատարած իր 2-օրյա այցի արդյունքներով մամլո ասուլիսի ժամանակ:

Լե Պենի խոսքով՝ նա այդ եզրակացությանն է հանգել Ֆրանսիայի շահերը հաշվի առնելով:

«Ես համարում եմ, որ այս իրավիճակում Ասադի ռեժիմին Սիրիայում այլընտրանք չկա»,- ասել է Լե Պենը, որի խոսքերն են մեջբերել լիբանանյան ԶԼՄ-ները:

Լե Պենը նաև ընդգծել է, որ Ասադի ռեժիմը չարյաց փոքրագույնն է,, քանի որ այն պայքարում է «Իսլամական պետություն» ահաբեկչական խմբավորման դեմ: Ըստ քաղաքական գործչի՝ Ասադը միակ ուժն է, որ կարող է խոչընդոտել ԻՊ խմբավորման իշխանության գալուն: