Բացվեց «Սեռական բռնության թանգարան» ցուցահանդեսը 

Մոսկվա կինոթատրոնում տեղի ունեցավ «Սեռական բռնության թանգարան» խորագրով ցուցահանդեսի բացումը։ Ցուցահանդեսին ներկայացված էին իրեր, որոնք սեռական բռնության ենթարկված անձինք ասոցացնում են իրենց հետ տեղի ունեցած դեպքերի հետ՝ կրծքկալի կտորից մինչև դեղահաբեր, գազարներ ու օծանելիք, փուչիկներ ու գրիչ։ « Սեռական բռնության ճգնաժամային կենտրոն» ծրագրերի ղեկավար Տաթևիկ Աղաբեկյանը «Հրապարակի» հետ զրույցում ասաց, որ ցուցահանդեսի նպատակը առաջին հերթին իրազեկելն է, իսկ պատմություններում մանրամասն ներկայացված չէ դեպքերի ընթացքը, այլ այն մասերը, որոնք սեռական բռնության ենթարկված անձինք կարևոր են համարել․ 

«Մենք ընտրեցինք այս տարբերակը, որպեսզի մարդիկ կարողանային անանուն կերպով իրենց պատմությունները ներկայացնել։ Եթե այդ պատմություններին ծանոթանաք, կտեսնեք, որ մանրամասնորեն նկարագրված չեն դեպքերը, բոլորը ներկայացրել են այն ինչ իրենց համար կարևոր է։

Մեր առաջնային նպատակը իրազեկումն է, որովհետև մարդիկ իրոք չեն պատկերացնում, թե ինչպիսի դեպքեր են այսօր տեղի ունենում Հայաստանում, և դեպքերի մեծ մասում անչափահասների մասին պատմություններ են»։

Մանրամասն՝ տեսանյութում։