Կարծում եմ թիմը ճիշտ ճանապարհի վրա է, ճիշտ որոշումներով, անփորձանք ընթանում ենք. Հրանտ Մադաթյան

ԱԺ պատգամավոր ԲՀԿ-ական Հրանտ Մադաթյանը՝ Մոթելի Հրանտը, ով պատգամավոր է ընտրվել Գեղարքունիքի մարզից, ստանալով 1739 քվե, լրագրողների հետ առավել քիչ շփվող պատգամավորներից է: Պարզվում է, որ նա   չի սիրում լրագրողների հարցերին հեռախոսով պատասխանել, հարցերին սիրում է պատասխանել, այն էլ լրագրողի աչքերի մեջ նայելով: Մեզ հաջողվեց հեռախոսով մի քանի հարցերի պատասխան ստանալ Հրանտ Մադաթյանից: 

 -Պարո´ն Մադաթյան, ԱԺ-ի այս ընտրությունները ինչո՞վ են տարբերվել նախորդ ընտրություններից: Կարելի է փաստե՞ լ, որ ընտրությունները անցել են ադար, եւ թափանցիկ: 

-Իմ կարծիքով՝ արդար, թափանցիկ ընտրություններ են եղել: Ես իմ ընտրատարածքում ոչ մի բան չեմ նկատել: Էտի իմ աչքի տեսածն եմ ասում:

-Համեմատած անցած տարվա ընտրություններին, այս ընտրություններին բավականին քիչ քվե ասացաք: Գո՞հ եք:

-Ոչինչ, էդպես էլ ա պատահում, իրավիճակ է փոխվել: Էդպես էլ պետք ա լիներ, էնպես չէր, որ ես մեծ թվերի էի սպասում, ինչի սպասել եմ, այն էլ ստացել եմ: Արդեն 2 հարցի պատասխանեցի:

-Դուք ընդիմադիր պատգամավոր եք լինելու: Կքննադատե՞ք իշխանություններին: 

-Կուսակցությունը ոնց կորոշի, այնպես էլ կլինի, մեր թիմը լինելու է ընդիմադիր: Կարծում մեր թիմը շատ ճիշտ ճանապարհի վրա է, ճիշտ որոշումներով, անփորձանք ընթանում ենք: Ձեր խաթրը չկոտրեցի,  էսքան հարցի պատասխանեցի: 

-Կասեք, թե ինչ նախաձեռնություններով եք հանդես եկել նախորդ՝ 6-րդ ԱԺ-ում, եւ կա՞ն այնպիսի օրինագծեր, որ պատրաստվում եք կյանքի կոչել: 
 
-Անպայման, բա ինչի համար ենք ընտրվել: Էնքան բան կա ասելու, անելու: Էտի հեռախոսվ հնարավոր չի ասել,   պետք է պայքարենք՝ տարածաշրջանի ժողովրդին օգտակար լինենք: Հիմա, որ էլ Ձեր հարցին չպատասխանեմ, անջատեմ հեռախոսը, կվիրավորվեք, կասեք անջատեց: Ինչի եք էդպես անում: Հիմա ես հեռախոսը անջատում եմ, ցանկանում եմ քեզ առողջություն հաջողություն, այս Նոր Տարում ճիշտ մոտեցումներով, ճիշտ հարցադրումներով փորձեք դուք էլ ձեր աշխատանքը կատարել,- ասաց Մադաթյանմ ու անջատեց հեռախոսը: 

Ըստ բարձրաստիճան անձանց էթիկայի հանձնաժողովի կայքի՝ «Ծառուկյան» դաշինքի պատգամավոր Հրանտ Մադաթյանը պատգամավորի պաշտոնը ստանձնելու ժամանակ հայտարարագրել է 4 հողամաս, եւ առանձնատուն: Օրենսդիր մարմնի անդամի եկամտի աղբյուրը ոչ միայն նրա աշխատավարձն է, այլև երկու բաժնեմասերից ստացված գումարներն են: Պատգամավորի դրամական միջոցները 2017 թ.-ի հայտարարագրի կազմում են 30 մլն դրամ: Նույն տարում պատգամավորի կինը՝ Արաքսյա Հովհաննիսյանը, ում աշխատանքի վայրի մասիին ոչ մի տեղեկություն չկա բարձրաստիճան անձանց էթիկայի հանձնաժողովի կայքում,  ձեռք է բերում 68 հազար ԱՄՆ դոլար արժողությամբ մարդատար ավտոմոբիլային տրանսպորտի միջոց՝ TOYOTA LAND CRUISER 200 4.6, իսկ դրամական միջոցները կազմում եմ՝ 120 մլն. դրամ, 117 հազար ԱՄՆ դոլար, 35 հազար եվրո: