Թմրաբարոն «Թզուկը» դատի է տվել Մեքսիկայի նախկին նախագահին
Թմրաբարոն «Թզուկի» /էլ-Չապո/ կամ Խուակին Գուսմանի փաստաբանները քրեական մեղադրանք ներկայացնելու համար հայց են ներկայացրել դատարան ընդդեմ Մեքսիկայի նախկին նախագահ Էնրիկե Պենյա Նյետոյի։ Այս մասին հայտնում է El Financiero-ն։ Համաձայն հրապարակման, խախտվել են մի շարք պրոցեսուալ ընթացակարգեր նարկոբարոնին ԱՄՆ-ին հանձնելու ընթացքում։ Գուսմանի փաստաբանները նշել են, որ արտահանձնման ժամանակ Գուսմանին պետք է տանեին ամերիկյան Էլ-Պասո կամ Սան Դիեգո քաղաքներից մեկնումեկը, սակայն տարել են Նյու Յորք, ինչը խախտում է ԱՄՆ եւ Մեքսիկայի միջեւ էքստրադիցիայի համաձայնագիրը։ Բացի այդ, արտահանձնումից առաջ Գուսմանը նախագահ Պենյա Նյետոյի աշխատակազմի մեղքով չի կանգնել մեքսիկական դատարանի առաջ, թեեւ նախապես հենց մեքսիկական արդարադատության իրավազորության ներքո էր գտնվում։
Կարծիքներ