Հայկ Կոնջորյանի սենտիմենտալ նամակը` ընտրողին. «Երբ դուք կարդաք այս տողերը․․․» (ֆոտո)
Վերջերս «Լուսավոր Հայաստան» կուսակցությունը լքած, իշխանության «Իմ քայլը» դաշինքին միացած ԱԺ պատգամավորի թեկնածու Հայկ Կոնջորյանը հետաքրքիր նախընտրական քարոզչություն է իրականացնում։
Բացի նրանից, որ թիվ 1 ընտրատարածքի քաղաքացիներին նախընտրական բուկլետներ են բաժանում, նաեւ այդ բուկլետների մեջ մենք գտանք Կոնջորյանի նամակը, որն ուղղված է քաղաքացիներին` իր ստորագրությամբ։
Նամակում Կոնջորյանը ներողություն է խնդրում քաղաքացիներից, որ ժամանակի սղության պատճառով չի կարողանում անձամբ նամակը հանձնել, այնուհետեւ պատմում ` երբ է նամակը գրել, կիսվում է իր մտքերով։
«Կարճ ներկայանամ, ես Հայկ Կոնջորյանն եմ` ԱԺ պատգամավոր։ Հիմա, երբ գրում եմ այս նամակը, առավոտյան 07:26 է` 21-ը նոյեմբերի։ Երբ դուք կարդաք այս տողերը, այդ պահին մենք վերջապես կհանդիպենք այս նախադասության վրա` հենց այս բառի վրա։ Ուզում եմ ասել, որ ես Ձեզ երկար եմ փնտրել։ Փնտրել եմ որպես համախոհ, որովհետեւ գիտեմ` այն ինչ մտածել եւ զգացել եմ ես, ապրելով Հայաստանում, զգացել եւ մտածել եք նաեւ Դուք։
Ես էլ Ձեզ պես, տարիներ շարունակ ինձ հարցրել եմ` լավ, մինչեւ ե՞րբ...
Ես հավատում եմ Հայաստանի երջանիկ եւ հաղթական ապագային, ես գիտեմ, որ ապագայի համար պայքարը սկսվում է այսօր, ես անում եմ իմ քայլը եւ մեկնում իմ ձեռքը, որպեսզի Ձեզ հետ միասին քայլենք դեպի հաղթանակած ու երջանիկ Հայաստան»։
Նամակն ամբողջությամբ կարող եք կարդալ լուսանկարում։
Կարծիքներ