Ղրղզստանը միջազգային ֆինանսական կառույցներից կստանա 462 միլիոն դոլար՝ կորոնավիրուսի դեմ պայքարելու համար
Միջազգային ֆինանսական կառույցները խոստացել են Ղրղզստանին տրամադրել 462 միլիոն դոլար, որը պետք է օգտագործվի կորոնավիրուսի դեմ պայքարի համար։ Այդ գումարի մի մասն արդեն իսկ փոխանցվել է ղրղզական իշխանություններին։Արժույթի միջազգային հիմնադրամը երկու տրանշով արդեն 242 միլիոն դոլար հատկացրել է որպես վարկ։ Դրանք ուղղվել են երկրի բյուջեի պակասորդը լրացնելու համար։ Ասիական զարգացման բանկն էլ կհատկացնի 120 միլիոն դոլար, որի մի մասը լինելու է դրամաշնորհ, մյուսը՝ վարկ։ Հատկացումը կատարվելու է մի քանի տրանշներով։ Դրամական հատկացումներ անելու են նաեւ Համաշխարհային բանկը, Զարգացման իսլամական բանկը, ԵՄ-ն Գերմանական բանկը եւ այլն։
Կարծիքներ