«Արդարության հաղթանակ»․ Էրդողանը՝ ԼՂ հայերի բռնի տեղահանության մասին

Թուրքիայի նախագահ Ռեջեփ Թայիբ Էրդողանը երկրի խորհրդարանում ունեցած ելույթի ժամանակ Լեռնային Ղարաբաղի հայերի էթնիկ զտումը, բնաջնջումը և զանգվածային արտագաղթը որակել է «արդարության հաղթանակ»։
«30 տարվա օկուպացիայից հետո Ղարաբաղը, որը  Ադրբեջանի միջազգայնորեն ճանաչված տարածք է, ազատագրվեց, և արդարությունը հաղթեց», -նրա խոսքերն է մեջբերել Anadolu-ն։

«Մեր բոլոր եղբայրները՝ Ղարաբաղից մինչև Լիբիա, Սիրիայից մինչև Սոմալի, լավ գիտեն, թե որքան արժեքավոր և կարևոր է Թուրքիայի բարեկամությունը։ 

Չկա մի երկիր, հասարակություն կամ կառույց, որը թշնամական քաղաքականություն վարի Թուրքիայի նկատմամբ և արդյունքում շահի դրանից»,- կիսասպառնալից տոնով գլուխ է գովել Էրդողանը։