Ի՞նչ եք ակնկալում այն մարդկանցից, որոնց գլուխները լցրել են հակագիտական միֆերով

Ի՞նչ եք ակնկալում այն մարդկանցից, որոնց գլուխները տասնամյակներ շարունակ լցրել են հակագիտական հետևյալ միֆերով․
Քարահունջը (իրականում՝ Զորաց քարեր) աստղադիտարան է։
Գյոբեկլի Թեփեն (Պորտասար) հայկական է։
Հայ-պոլինեզիական՝ 40.000-50.000 տարվա ընդհանրություններ։
Հայերենը Հնդեվրոպական լեզվաընտանիքի մայր լեզուն է, որից ճյուղավորվել են մյուս լեզուները։
Բասկերը հայ են։
Ուրարտերենը հայերեն է։
Ուրարտուն առաջին համահայկական պետությունն է։
Շումերները առաջացել են հայերից և հատկապես՝ Գիլգամեշը։
Հայերը 12-30 հազար տարեկան ազգ են։
Ոչ մի Էվոլյուցիա գոյություն չունի, քանի որ կապիկը չի կարող մարդ դառնալ (Նույնիսկ կաթոլիկ եկեղեցին է ընդունում Էվոլյուցիան)։
Երկրագունդն իրականում տափակ է։
Երկրագունդը գտնվում է տիեզերքի կենտրոնում։
Նյուտոնը հիմար անգլիացի է եղել ու իր կեղծ օրենքներով մարտահրավեր է նետել Մովսեսի՝ Աստծո օրենքներին (Տասնաբանյա)։
էյնշտեյնը քրիստոնյա է եղել։

Էս ցանկը դեռ երկար կարելի է շարունակել։ Իսկապես որևէ մեկին չեմ փորձում ծաղրել, ընդամենը ուզում եմ արձանագրել, որ մի ամբողջ շերտ տասնամյակներ շարունակ իրական կրթություն ստանալու փոխարեն սնուցվել է հակագիտությամբ։ Եվ դուք կարծո՞ւմ եք հնագիտության, պատմագիտության, աղբյուրագիտության, լեզվաբանության, ֆիզիկայի, կենսաբանության հաղորդած տվյալների վրա թքած ունեցող մարդիկ պետք է հավատա՞ն բժկության և ապացուցողական գիտության տրամադրած տվյալներին։ Իսկապես լավատես եք երբևէ գոյություն չունեցած «Ծովից ծով» Հայաստանով և «մասոնաջհուդական» դավադրություններով ապրող մարդկանց հարցում։