Շտապ քայլեր
ՇՏԱՊ ՔԱՅԼԵՐ
Հայաստանում և նրա շուրջ ստեղծված այսօրվա գերբարդ իրավիճակում, նկատի ունենալով Ադրբեջանի ագրեսիան Հայաստանի տարածքային ամբողջականության դեմ, ՀՀ քաղաքացիական բնակավայրերի գնդակոծումը՝ պաշտոնական Երևանը, ներքին և արտաքին պաշտպանության ամրացման համար, մի քանի անհետաձգելի քայլեր պետք է ձեռնարկի.
1. Նախաձեռնող, հարձակողական, ակտիվ դիվանագիտության իրականացում. անմիջապես դիմել ՄԱԿ-ի Անվտանգության խորհուրդ՝ ԱԴՐԲԵՋԱՆԻՆ ԱԳՐԵՍՈՐ ՃԱՆԱՉԵԼՈՒ ԵՎ ՄԻՋԱԶԳԱՅԻՆ ՊԱՏԺԱՄԻՋՈՑՆԵՐԻ ԵՆԹԱՐԿԵԼՈՒ ՀԱՄԱՐ:
2. Արգելել Հայաստանից արական սեռի չափահաս բնակչության դուրս գալը և նախաձեռնել համընդհանուր մոբիլիզացիա:
3. Դիմել ՀԱՊԿ-ին՝ ոչ միայն համապատսախան հայտարարության, այլև միասնական զորամիավորումներով Հայաստանի հարավային սահմանները պաշտպանելու համար:
4. Հնարավորություն ստեղծել, որ Վաշինգտնում գտնվող պաշտպանության նախարարը ԱՄՆ Կոնգերսում հանդես գա ելույթով՝ խոսելով Հայաստանի վրա Ադրբեջանի ռազմական ագրեսիայի և Արցախի բնակչության ֆիզիկական գոյության սպառնալիքների մասին:
5. Դիմել Փարիզին և Վաշինգտոնին՝ ռազմական աջակցության համար:
6. Դիմել Իսրայելին՝ հորդորելով դադարել զինել Ադրբեջանին:
7. Հայտարարել, որ Ադրբեջանի հետ խաղաղության համաձայնագրի էջը փակված է, քանի որ ագրեսորի հետ խաղաղությունից չեն խոսում:
8. Վարչապետն անձամբ պետք է հանդիպի ՀՀ նախկին երեք ղեկավարների հետ՝ քննարկելու Հայաստանում ներքաղաքական կայունության պահպանման և արտաքին սպառնալիքների չեզոքացման խնդիրները:
Նարինե Մկրտչյան
Կարծիքներ