Օգնելով ՀՀ-ին՝ Իրանը հայերին մղում է մեր դեմ պատերազմի․ Փաշազադե

«Ատելի ուժերը, որոնք չեն կարողանում մարսել մեր անկախությունն ու հաղթանակը, մեր ձեռքբերումները, լրջորեն մտահոգված Ադրբեջանի զարգացմամբ և անկախ քաղաքականությամբ, փորձում են միջամտել Ադրբեջանի ներքին գործերին և խախտել կայունությունը»։

Այս մասին ասել է Կովկասի մահմեդականների վարչության նախագահ շեյխուլիսլամ Ալլահշուքյուր Փաշազադեն։

Ըստ նրա, այն փաստը, որ «Իրանը Հայաստանի անվտանգությունը նույնացնում է իր անվտանգության հետ, Հայաստանին մղում է նոր պատերազմի և վրեժխնդիր լինելու»։
Փաշազադեի կարծիքով, այդ ամենը Թեհրանի բացահայտ հակաադրբեջանական քաղաքականության մաս է.

«Այդ ամենը չի ընդունվում և խստորեն դատապարտվում ադրբեջանական հասարակության կողմից»: