Որդուն ապտակելու համար մորը երկամսյա կալանքի են դատապարտել

Իսպանիայի Գալիսիայի մարզի Պոնտեվեդրայի նահանգային դատարանը մորը դատապարտել է երկամսյա կալանքի այն բանի համար, որ ապտակել է որդուն։ Այս մասին հայտնում է El Mundo-ն։ Դատարանի վճռում ասվում է, որ կալանքի որոշումը կարող է փոխվել համարժեք ժամկետով` հանրօգուտ աշխատանք կատարելով։ Բացի այդ, վեց ամիս մայրը որդուն չի կարող մոտենալ ավելի քան 200 մետր։

Դատարանը գտել է, որ երեխայի հանդեպ ընտանիքում դաժան են վարվել եւ առկա են ընտանիքում երեխայի հանդեպ բռնության կիրառման հանցակազմին բնորոշ տարրեր գործում։ Թեեւ կինը բողոքարկել է վճիռը, որ օգտվել է երեխային դաստիարակելու իր իրավունքից, սակայն նահանգային դատարանը հաշվի չի առել դա։ Վճիռը կարող է բողոքարկվել Իսպանիայի Գերագույն դատարանում։