Տուգանվել են անազնիվ բիզնես վարելու համար
![Տուգանվել են անազնիվ բիզնես վարելու համար](https://hraparak.am/uploads/images/BJzVjoJ3X.jpg)
Apple եւ Samsung ընկերությունները տուգանվել են 15 միլիոն եվրոյի չափով իտալական ռեգուլյատորի կողմից այն բանի համար, որ անազնիվ բիզնես են վարել։ Ինչպես հայտնում է BBC-ն, երկու ընկերություններին էլ մեղադրանք է ներկայացվել հին սմարթֆոնների արհեստական դանդաղեցման համար, ինչը արհեստական կերպով խթան կհանդիսանա, որպեսզի հին սմարթֆոն օգտագործողները ձեռք բերեն նույն ընկերությունների նոր եւ արդիական մոդելները։ Apple ընկերությունը տուգանվել է 10 միլիոն եվրոյով, իսկ Samsung-ը՝ 5 միլիոն եվրոյի չափով։ Մասնագետները պարզել են, որ օպերացիոն համակարգերի նոր տարբերակները կանխամտածված կերպով դանդաղեցրել են հին գաջեթների աշխատանքը։ Դատարանը պարտավորեցրել է նաեւ երկու ընկերություններին հրապարակել պաշտոնական հայտարարություն առ այն, որ տուգանքը վճարվել է։ Երկու ընկերություններն էլ, ի դեպ, այս դատական որոշումը մեկնաբանելուց հրաժարվել են։
Կարծիքներ