Եթե մարզպետը մեր խնդրանքը մերժեց, երեխաներին մանկապարտեզ չենք ուղարկելու
Կոտայքի մարզի Քաղսի համայնքի մանկապարտեզում դժգոհությունը հասունանում է, քանի որ համայնքի ղեկավար Սահակ Ալեքսանյանը մանկապարտեզի նոր տնօրեն է նշանակել: Մանկապարտեզի կոլեկտիվը այսօր հանդիպում է ունեցել գյուղապետի հետ, խնդրել են գյուղապետին մինչև տարեվերջ հնարավարություն տալ աշխատելու Զեմֆիրա Ենոքյանին. «Երկար տարիներ աշխատել ենք տնօրենի հետ, առաջիկայում միջոցառումներ ունենք, ամեն բան պատրաստել ենք: Տնօրենն ամեն ինչով մեզ օգնում է, նրանից շատ բան ենք սովորել: Ու այսօր մեզ բերում են ներկայացնում մեկ ուրիշին, եւ ասում են, սա էլ ձեր տնօրենն է: Մենք հասկանում ենք, որ տնօրենը 60-անց է, բայց գոնե հնարավորություն տան, մինչեւ տարեվերջ աշխատի, միջոցառումները ավարտենք: Մենք դիմել ենք գյուղապետին, որ այս հարցը քննարկի մարզպետի հետ, եթե մեր խնդրանքը մերժեն, եւ չթույլատրեն, որ տնօրենը եւս 3 ամիս աշխատի, մենք բողոքի ակցիա կանենք մարզպետարանի դիմաց»,- ասում էին մանկապարտեզի աշխատակիցները, եւ հավելում, որ նորանշանակ տնօրենը Հրազդանի քաղաքապետի ժ/պ Լիլիթ Ստեփանյանի ընկերուհին է:
Մանկապարտեզի տնօրեն Զեմֆիրա Ենոքյանը մի քանի մանկական գրքերի հեղինակ է, 1976թ-ից գյուղի մանկապարտեզը գործում է տնօրենի ջանքներով եւ ոչ մի տարում մանկական այս հաստատությունը չի դադարեցրել իր աշխատանքները։ Տնօրենը մեզ հետ զրույցում նշեց, որ պատրաստ է տեղը զիջել երիտասարդ կադրերին, սակայն լավ կլիներ, որ տարին ավարտվեր, եւ նոր տարում մանկապարտեզը ունենար նոր տնօրեն:
«Մենք աշխատում ենք, եւ գեղեցիկ միջոցառման ենք պատրաստվում, մեկ էլ, թե՝ ազատված եք: Գիտեք ինչի նման է սա, թռչունը հենց ուզում է թռչել սովորել, թեւերը կտրում են: Գոնե 3 ամիս ուշ նշանակեին նոր տնօրենին, թողնեին տարի ավարտեինք»: Զրուցեցինք նաեւ Քաղսի համայնքի ղեկավար Սահակ Ալեքսանյանի հետ, ով ասաց, որ նորանշանակ տնօրենը շուտով աշխատանքի մեջ կլինի:
**-Նա Ձեր հովանավորյա՞լն է, թե՞ մարզպետի:**
-Ո´չ, ես հովանավորյալ չունեմ:
**-Մեզ ասացին, որ նորանշանակ տնօրենը ուղղորդվել է մարզպետարանի կողմից՝ Հրազդանի քաղաքապետ ժ/պ-ի ընկերուհին է:**
-Չէ:
**-Մանկապարտեզի կոլետկիվը բողոքի ակցիա է կազմակերպել գյուղապետարանում, նրանց խնդրանքն է, որ տնօրենը պաշտոնավարի մինչև տարեվերջ: Ի՞նչ համաձայնության եք եկել կոլեկտիվի հետ:**
-Այո, այսօր եկել էին ինձ մոտ էդ հարցով, ասել եմ, մարզպետին այդ կտեղեկացնեմ, կհամոզեմ, եթե չհամոզվեց, պետք է օրենքով շարժվենք: Ես արդեն որոշել եմ, եւ ներկայացրել ավագանուն, ավագանին էլ հաստատել է նոր տնօրենի նշանակումը:
**-Եթե մարզպետին չկարողանա՞ք համոզել:**
-Դե օրենքով էդ աղջիկը կաշխատի:
**-Ինչո՞ւ պետք է մարզպետին համոզեք, երբ ինքներդ եք որոշել, եւ որոշումը ներկայացրել ավագանուն: Ստացվում է, որ մարզպետը տնօրենի նշանակման հարցում դերակատարություն ո՞ւնի:**
-Դերակատարությունը այնքան է եղել, ես մարզպետին խնդրել եմ, ասել եմ, հնարավոր է տարաձայնություններ եւ խոսակցություններ լինեն, աջակցեք, որոշում կայացնենք, թե մի քանի հոգուց ո՞ւմը ընտրենք տնօրեն: 10 հոգի էին, մենք էլ որոշեցինք, որ ինքն է հարմարը:
**-Ե՞րբ եք պատրաստվում հանդիպել եւ կոլեկտիվի խնդրանքը ներկայացնել մարզպետին:**
-Երեւի վաղը, պետք է հերթագրվեմ, առաջ շուտ ընդունում էր, հիմա դժվար է հանդիպել:
**Հ.Գ**. Մինչ գյուղապետը կհերթագրվի եւ շատ դժվարությամբ կհանդիպի մարզպետին, մանկապարտեզի կոլեկտիվն ու ծնողները պատրաստում են բողոքի ակցիա իրականացնել մարզպետարանի դիմաց:
**Նելլի Կարապետյան**
Մանկապարտեզի տնօրեն Զեմֆիրա Ենոքյանը մի քանի մանկական գրքերի հեղինակ է, 1976թ-ից գյուղի մանկապարտեզը գործում է տնօրենի ջանքներով եւ ոչ մի տարում մանկական այս հաստատությունը չի դադարեցրել իր աշխատանքները։ Տնօրենը մեզ հետ զրույցում նշեց, որ պատրաստ է տեղը զիջել երիտասարդ կադրերին, սակայն լավ կլիներ, որ տարին ավարտվեր, եւ նոր տարում մանկապարտեզը ունենար նոր տնօրեն:
«Մենք աշխատում ենք, եւ գեղեցիկ միջոցառման ենք պատրաստվում, մեկ էլ, թե՝ ազատված եք: Գիտեք ինչի նման է սա, թռչունը հենց ուզում է թռչել սովորել, թեւերը կտրում են: Գոնե 3 ամիս ուշ նշանակեին նոր տնօրենին, թողնեին տարի ավարտեինք»: Զրուցեցինք նաեւ Քաղսի համայնքի ղեկավար Սահակ Ալեքսանյանի հետ, ով ասաց, որ նորանշանակ տնօրենը շուտով աշխատանքի մեջ կլինի:
**-Նա Ձեր հովանավորյա՞լն է, թե՞ մարզպետի:**
-Ո´չ, ես հովանավորյալ չունեմ:
**-Մեզ ասացին, որ նորանշանակ տնօրենը ուղղորդվել է մարզպետարանի կողմից՝ Հրազդանի քաղաքապետ ժ/պ-ի ընկերուհին է:**
-Չէ:
**-Մանկապարտեզի կոլետկիվը բողոքի ակցիա է կազմակերպել գյուղապետարանում, նրանց խնդրանքն է, որ տնօրենը պաշտոնավարի մինչև տարեվերջ: Ի՞նչ համաձայնության եք եկել կոլեկտիվի հետ:**
-Այո, այսօր եկել էին ինձ մոտ էդ հարցով, ասել եմ, մարզպետին այդ կտեղեկացնեմ, կհամոզեմ, եթե չհամոզվեց, պետք է օրենքով շարժվենք: Ես արդեն որոշել եմ, եւ ներկայացրել ավագանուն, ավագանին էլ հաստատել է նոր տնօրենի նշանակումը:
**-Եթե մարզպետին չկարողանա՞ք համոզել:**
-Դե օրենքով էդ աղջիկը կաշխատի:
**-Ինչո՞ւ պետք է մարզպետին համոզեք, երբ ինքներդ եք որոշել, եւ որոշումը ներկայացրել ավագանուն: Ստացվում է, որ մարզպետը տնօրենի նշանակման հարցում դերակատարություն ո՞ւնի:**
-Դերակատարությունը այնքան է եղել, ես մարզպետին խնդրել եմ, ասել եմ, հնարավոր է տարաձայնություններ եւ խոսակցություններ լինեն, աջակցեք, որոշում կայացնենք, թե մի քանի հոգուց ո՞ւմը ընտրենք տնօրեն: 10 հոգի էին, մենք էլ որոշեցինք, որ ինքն է հարմարը:
**-Ե՞րբ եք պատրաստվում հանդիպել եւ կոլեկտիվի խնդրանքը ներկայացնել մարզպետին:**
-Երեւի վաղը, պետք է հերթագրվեմ, առաջ շուտ ընդունում էր, հիմա դժվար է հանդիպել:
**Հ.Գ**. Մինչ գյուղապետը կհերթագրվի եւ շատ դժվարությամբ կհանդիպի մարզպետին, մանկապարտեզի կոլեկտիվն ու ծնողները պատրաստում են բողոքի ակցիա իրականացնել մարզպետարանի դիմաց:
**Նելլի Կարապետյան**
Կարծիքներ