Առևտրի համաշխարհային կազմակերպությունն ահազանգում է՝ ԱՄՆ-ն խաղի կանոններ է խախտել

ԱՄՆ-ն խախտել է բազմակողմանի եւ ազատ գլոբալ առեւտրի իրավունքը, որն ունեն պետությունները, եւ առեւտրային այն կանոնները, որոնք սահմանված են ամբողջ աշխարհում։



Այս մասին ահազանգ է հնչել Առեւտրի համաշխարհային կազմակերպությունից։ Որպես ապացույց՝ մատնանշվում է Չինաստանի, ԵՄ, Կանադայի, Մեքսիկայի եւ մի շարք այլ պետությունների եւ կառույցների հանդեպ սահմանված ներկրման 25 տոկոսանոց մաքսատուրքը։



Ըստ հայտարարության՝ միայն Չինաստանի մասով մաքսատուրքի տակ է հայտնվել ընդհանուր առմամբ 34 միլիարդ դոլարի ներկրվող ապրանքատեսակ։ Մասնագետները այս ամենը գնահատում են պատմության մեջ երբեւէ գոյություն ունեցած ամենամեծ առեւտրային պատերազմը։