Շիրակում միայն բանվորնե՞ր են հարկավոր
Շիրակի մարզը Հայաստանում աղքատության ցուցանիշով եւ գործազուրկներով առաջիններից է, եւ դա էր պատճառը, որ երեկ կազմակերպված աշխատանքի տոնավաճառին ասեղ գցելու տեղ չկար: Տոնավաճառի մասին շատերը տեղեկացել էին թռուցիկների միջոցով, մյուսները՝ փողոցներում փակցված ցուցանակներից կամ ինտերնետում տեղադրված հայտարարություններից: Տոնավաճառին մասնակցել է 33 գործատու, որոնցից մի քանիսը՝ արդեն երկու-երեք անգամ: Ընդհանուր առմամբ՝ առաջարկվել է 115 աշխատատեղ՝ հավաքարարի, տաքսու վարորդի, կոշկագործի, հյուսնի աշխատանք:
Տոնավաճառին մասնակցողների գերակշիռ մասը երիտասարդներ էին, բայց, նրանց խոսքով, «առաջարկվող մասնագիտություններից քչերն են հարմար, ինստիտուտն ավարտել ենք, որ բեռնատարի վարո՞րդ աշխատենք»: Մյուս կողմից էլ՝ գործատուները պահանջում են երիտասարդ, աշխատանքային փորձով մասնագետներ: Ըստ Զբաղվածության պետական ծառայության գործակալության պետ Սոնա Հարությունյանի՝ 2010 թվականին գործազրկությունը կազմում է 7 տոկոս, այսինքն, աշխատանք է փնտրում 100 հազար գործազուրկ: Ըստ իրենց հետազոտությունների՝ Շիրակի մարզում բանվորի աշխատանքն է ամենամեծ պահանջարկ ունեցողը:
Անժելա ՀԱՅՐԱՊԵՏՅԱՆ
Տոնավաճառին մասնակցողների գերակշիռ մասը երիտասարդներ էին, բայց, նրանց խոսքով, «առաջարկվող մասնագիտություններից քչերն են հարմար, ինստիտուտն ավարտել ենք, որ բեռնատարի վարո՞րդ աշխատենք»: Մյուս կողմից էլ՝ գործատուները պահանջում են երիտասարդ, աշխատանքային փորձով մասնագետներ: Ըստ Զբաղվածության պետական ծառայության գործակալության պետ Սոնա Հարությունյանի՝ 2010 թվականին գործազրկությունը կազմում է 7 տոկոս, այսինքն, աշխատանք է փնտրում 100 հազար գործազուրկ: Ըստ իրենց հետազոտությունների՝ Շիրակի մարզում բանվորի աշխատանքն է ամենամեծ պահանջարկ ունեցողը:
Անժելա ՀԱՅՐԱՊԵՏՅԱՆ
Կարծիքներ