Սիրիացիները զանգվածաար տեղափոխվում են Թուրքիա

Նախորդ գիշերվա ընթացքում մոտ 1000 սիրիացիներ են հատել Թուրքիայի սահմանը: BBC-ի փոխանցմամբ` Թուրքիայում Սիրիայից տեղափոխված քաղաքացիների թիվը հասնում է 1600-ի: Փախստականների մեծամասնությունը Սիրիայի հյուսիսային Ջիսր ալ-Շուղուր քաղաքից են: Բենեդիկտ 16-րդ պապը եւ ՄԱԿ-ը Սիրիայի իշխանություններին կոչ են արել ուժ չկիրառել սեփական ժողովրդի դեմ, որը դժգոհում է երկրի կառավարությունից:



Գերտերությունները տարակարծիք են ստեղծված իրավիճակի վերաբերյալ. արեւմտյան երկրները գտնում են, որ Սիրիայում միջազգային ուժերի միջամտության անհրաժեշտություն է առաջացել, իսկ Ռուսաստանն ու Չինաստանը հակված են այն կարծիքին, որ Սիրիան պետք է ինքնուրույն լուծի իր ներքին խնդիրները:



Իրավապաշտպանների տվյալներով` այս տարվա փետրվարից սկսված զանգվածային բողոքի ակցիաներում տեղի ունեցած բախումների արդյունքում ավելի քան 1000 քաղաքացիներ են զոհվել: