ԱՄՆ-ից մինչեւ Չինաստան
hraparak
11 Դեկտեմբեր 2012 | 08:50
0
ՄԵՐԿԵԼ, ԿԱՐՈՂ Ա՞ ԴՈՒ ՄԵԿ ԷԼ...Անգելա Մերկելը, ամենայն հավանականությամբ, կվերընտրվի իբրեւ Գերմանիայի փաստացի ղեկավար, քանի որ... կին է: Հարցումները ցույց են տվել, որ կանանց 94 տոկոսն իրենց ձայնը տալու են Մերկելին, քանի որ նա իրենց սեռին է պատկանում:
ՌՈՒՍՈՖԻԼ ՀՈԼԻՎՈՒԴ
Հոլիվուդյան մարտաֆիլմի պարտադիր կանոնները.
Ա. Որեւէ ռուս ստոր սրիկա՝ ցանկալի է զենքի կամ թմրանյութի վաճառքով զբաղվող
Բ. «Ռուսի վերջը»՝ ֆիլմի վերջում:
ԲԱ ՌՈՒՍՆԵՐԸ ՍԵՆՑ ՀԵՏԱԶՈՏՈՒԹՅՈՒՆ ՉԵ՞Ն ԱՆԵԼՈՒ
Ամերիկյան Ազգային հետախուզական խորհրդի (հա, փաստորեն, տենց կառույց գոյություն ունի) վերջին զեկույցը սցենարով գրեթե չի տարբերվում հոլիվուդյան մարտաֆիլմից: Ըստ զեկույցի՝ Ռուսաստանի ազդեցությունը կնվազի, ինչպես բոլոր այն երկրներինը, որոնց ազդեցությունը պայմանավորված է նավթի առկայությամբ:
ՀՈՒՍԱԴՐԵՑ
Վերոբերյալ կառույցի վերջին հետազոտությունը ցույց է տալիս, որ ամերիկյան քաղաքականությունը կիրառում է Աստվածաշնչի մեթոդիկան՝ Հույսը կիրառելով իբրեւ նորագույն քաղաքական կատեգորիա: Մոտակա տասնութ տարիների ընթացքում, պնդում է զեկույցը, ողջ աշխարհի միջին դասը ամրապնդելու է իր դիրքերը եւ ավելացնելու թվաքանակը՝ առաջին անգամ մարդկության պատմության մեջ դառնալով իշխող դաս: Մինչեւ 2030 թվականը Չինաստանը կխլի ԱՄՆ-ից աշխարհի առաջին տնտեսության դափնին, բայց փոխարենը ԱՄՆ-ն կպահպանի քաղաքական առաջատարի գայիսոնը՝ շնորհիվ ինքնաբավ էներգահամակարգի:
ՀԱՆՈՒՆ «ՀԱՅԼՈՒՐԻ»
ՀԳ - Քանի որ Ադրբեջանը նավթի հաշվին է հոխորտում, գոնե ուրախանալու բան կլիներ, եթե ամերիկացիքի զեկույցը Գյուլնազ տատի հեքիաթները չհիշեցներ: Փոխարենը կարելի է հայլուրյան հաղորդագրություն տարածել. «Առաջիկա քսան տարիների ընթացքում Ադրբեջանը կկորցնի իր հեղինակությունը,- նշել է ամերիկյան ազգային հետախուզական խորհուրդը»: Ու ջհանդամը, որ էդ ԱԽԽ-ի սկի մտքով չի անցել, որ տենց բան ասի:
Աստղիկ ՍԱՐԳՍՅԱՆ
Կարծիքներ