Սուրեն Խաչատրյանի արժանի հետևորդը

Աղմկահարույց դեպքերի արդյունքում Սյունիքի մարզպետ նշանակված Վահե Հակոբյանի նշանակվելուն պես հույսեր արթնացան, որ վերջապես մարզը թեթևացած շունչ կքաշի տխրահռչակ նախկին մարզպետ Սուրեն Խաչատրյանի հեռացումից հետո և երիտասարդ նորեկ մարզպետն էլ կլծվի մարզի առողջացման գործընթացին՝ ցրելով նաև հանրության մոտ ձևավորված տեսակետը, թե իր մարզպետ դառնալու միակ արժանիքը Պղմձամոլիբդենային կոմբինատի սեփականատեր Մաքսիմ Հակոբյանի որդի լինելն է:

Սակայն ԱԺ երբեմնի ամենաերիտասարդ օրենսդիրը և այժմ էլ ամենաերիտասարդ մարզպետը պաշտոնավարման երեք ամիսների ընթացքում մնաց աննշմար՝ ապացուցելով, որ Սուրեն Խաչատրյանի արժանի հետևորդն է ու կարողանում է աշխատել անգամ Խաչատրյանի թիմի հետ:

Թեև հանուն արդարության Վահե Հակոբյանը դեռևս զիջում է նախորդին՝ քրեական պատմությունների մեջ ներգրավվածության առումով, սակայն իր վարքագծով հավակնում է հասնել լրագրողների հանդեպ «առանձնակի» սեր տածող Սուրեն Խաչատրյանին:

Երեկ Վահե Հակոբյանն այնքան նյարդայնացավ կադրային փոփոխությունների մասին մեր անմեղ հարցից, որ սկսեց նույնիսկ բղավել և կասկածներ հայտնել մեր լրագրող լինելու վերաբերյալ: Հիշեցնենք, որ Հակոբյանը մարզպետ է նշանակվել այս տարվա հուլիսի 13-ին և մոտ օրերս կլրանա նրա պաշտոնավարման 100 օրը:

Վահե Հակոբյանի հետ հարցազրույցը կարդացեք «Հրապարակ» օրաթերթի վաղվա համարում։