Թագավորն ու չարչին
Հե՜յ, լավ մանրուք` տարածք, երկիր,
Թաղի աթոռ, մարզպետի թախտ,
Վաճառք, վարձույթ, վկայագիր,
Մարշրուտի գիծ, դեսպանի բախտ,
Լիճ ու քարհանք, պատգամավոր,
Կուզե՞ք` ինձ ու կնկաս քավոր,
Էժան կտամ, լավը կտամ,
Ես ձեր լավի` լավը… մթամ…
Էսպես Երկիրը առած շալակին,
Իբր¨ թե չարչի մի թափառական,
Գլխին` շլապկա, բարցովկա հագին,
Անցնում էր ինքը` շահ Սերոժ արքան:
- Չարչի՛ ախպեր, չարչի՛ ախպեր,
Դպրոց ունե՞ս, էս կողմը բեր,-
Կանչեց մի կին կուսգաղթական
Ու մոտ գնաց չարչին կնկան.
Օ՜, ի՜նչ դպրոց, օ՜, ի՜նչ «մնգո»,
Տեխնիկում ու համալսարան,-
Իր բիզնեսից ոնց որ թե գոհ
Խոսեցնում էր շահը սրան:
Ու ցողունյա բջիջներից
Շառագունած, քիչ անհամբեր`
- Հը՛, ուզո՞ւմ ես, ամանդ բեր:
- Յա՛, ուզում ես էս ինձ կապե՞լ,
Այ խորամանկ չարչի ապեր:
- Բաջի՛, պետք չի ձ¨եր թափել,
Արի դու իմ սրտով գնա,
Թե սիրում ես Սերոժ շահին…
- Ամա՜ն, Աստված հեռու պահի.
Թանկ ու կրակ է ՛լ հաց ու ջուր,
Է՛լ հարկ ու տուրք, թոշակ` պուճուր,
Ալան-թալան, կարմիր գծեր,
Ու արտագաղթ, ու թանկություն,
Ախպե՛ր, նա մեզ ք…ն է գցել…
- Դե` հերի՛ք է, ախմախ բաջի՛,
Հալա սրան` … մի՛ բարբաջի,
Դու էլ ես «Դե՞մ»… Շահ չես ուզո՞ւմ,
Տունդ սարքեմ «գերակա շահ»,
Չեք ուզում, հա՞, իր շնորհիվ
Երկիրը է՛լ բարգավաճի,-
Մռնչաց շահը, աբեն շպրտեց,
Դուրս եկավ տակից էն թագ-շլապկեն`
Թ¨ատակին էլ ծախված երկրի
Իր զիմզիմովյան քրքրված պապկեն…
(Վայ թե էլի` շարունակելի…):
Վլադիմիր Հայրապետյան
Կարծիքներ