Տաշիրի ողբերգական վթարից մեկ տարի անց. հարազատները մեքենան թաղել են դեպքի վայրում (ֆոտոշարք)
Ուղիղ մեկ տարի առաջ այսօրը Հայաստանը ցնցեց Լոռիում տեղի ունեցած ողբերգական ավտովթարի լուրը, որի ժամանակ մեքենայում ողջ-ողջ այրվեցին 7 երիտասարդ տղաներ: Դեպքը տեղի էր ունեցել գիշերը ժամը 0:30-ի սահմաներում՝ Ստեփանավան-Տաշիր ավտոճանապարհին՝ Սեմյոնովկա գյուղի սկզբնամասում: Volkswagen Touareg մակնիշի ավտոմեքենայի վարորդը դուրս էր եկել ճանապարհի երթևեկելի մասից և բախվել ծառին: Բախման հետևանքով ավտոմեքենայում հրդեհ էր բռնկվել, վարորդն ու 6 ուղևորները ողջ-ողջ այրվել էին մեքենայի մեջ:
Դեպքի վայր են ժամանել Լոռու մարզային փրկարարական վարչության Տաշիրի հրշեջ փրկարարական ջոկատը, ոստիկանության Լոռու մարզային վարչության և ոստիկանության Ստեփանավանի և Տաշիրի բաժինների օպերատիվ խմբերը, Ստեփանավանի և Տաշիրի քննչական բաժինների քննիչները, ինչպես նաև ոստիկանության փորձաքրեագետները: ԱԺ պատգամավորներ, մարզային իշխանություններն ու ոչ միայն:
Մոխրացած դիերից երկուսը մեքենաներից դուրս էին բերվել հատուկ տեխնիկայի գործադրմամբ: Իսկ մեքենան, որում գտնվում էր ևս 5 հոգու մարմիններ, տեղափոխվել էր Ստեփանավանի դիահերձարանի տարածք, որտեղ էլ համապատասխան մասանագետները մասնատել էին դիերն ու դուրս բերել մեքենայից: Տեղում հավաքվածները դեռ մեկ տարի առաջ ասում էին, որ մահացած երիտասարդները վանք էին մեկնում և վերադարձի ճանապարհի ինչ-որ կենդանի էր դուրս եկել մեքենայի դիմաց, որի հետ բախումից խուսափելով եղել էր ողբերգականը վթարը:
Զոհված տղաներն էին Տաշիր քաղաքի բնակիչներ, 21-ամյա Վանիկ Ստեփանի Մարդոյանը, 22-ամյա Կարեն Խաչիկի Խաչատրյանը, 24-ամյա Գևորգ Արթուրի Պողոսյանը, 22-ամյա Արման Հրաչյայի Տոնոյանը, Մեծավան գյուղի բնակիչ, 22-ամյա Գասպար Սեդրակի Ղուկեյանը, Տաշիր քաղաքի բնակիչ, 24-ամյա Վահագ Վախթանգի Ալբերտյանը և Երևան քաղաքի Արամ Խաչատրյան փողոցի բնակիչ, 22-ամյա Արթուր Հարությունի Բալյանը:
22-ամյա Արման Հրաչյայի Տոնոյանը «Տաշիր» ընկերության սեփականատեր Սամվել Կարապետյանի եղբոր՝ պատգամավոր Կարեն Կարապետյանի վարորդի որդին է, 24-ամյա Վահագ Վախթանգի Ալբերտյանի հայրն էլ ոստիկանության Տաշիրի բաժնում անձնակազմի գծով տեղակալն է, իսկ Գևորգ Պողոսյանի հայրը աշխատում է ԱԱԾ-ում, երիտասարդը դեպքից մի քանի ամիս առաջ էր ամուսնացել: Մահացածներից 4-ը Մեծավանի գյուղից էին, 3-ը ապրում էին Տաշիրում, մեկը՝ Մեծավանում: Դեպքի առթիվ հարուցվել էր քրեական գործ, որը ամիսներ տեւած քննությունից հետո կարճել էին: Ի դեպ, դեպքից ամիսներ անց էլ հարազատները ամբողջովին մոխրակույտի վերածված Volkswagen Touareg ավտոմեքենան «թաղել» են վթարի վայրում:
Ալեն Գրիգորյան
Լուսանկարները՝ հեղինակի
Կարծիքներ