Լրագրային շանսոն. Առաջ, Հայաստան
Վերջին մեղքս էր: Իմ պարտքն էի համարել Հ1-ին քննադատել «Ամենակարող երգիչ» ծրագրի համար, բայց մեկ լրիվ օր չանցած՝ Սերժ Սարգսյանը գնաց Հ1 և շնորհակալություն հայտնեց Ռուբիկ Ջաղինյանին՝ կատարած աշխատանքի համար:
-Ռուբիկ ջան,առաջ,- ասաց նախագահը:
***
Բաղրամյան 26-ում զանգ է ստացվում, որ Էջմիածնում անհայտ անձինք ավագանու թեկնածուի են առևանգել և մի լավ տփել:
Քիչ անց գեներալ Մանվելի հեռախոսին զանգ է գալիս.
-Ես շնորհակալ եմ ձեր աշխատանքի համար, Մանվել ջան, առաջ...
***
Սարգսյանների ընտանիքում ՀՀ մշակույթի նախարար Հասմիկ Պողոսյանի պաշտոնանկությունն ամենածանրը Ռիտա Սարգսյանն է տարել:
Նկատելով այդ՝ ընտանիքի գլխավորն ասել է.
-Լոխ լավ կինի, Ռիտա ջան, առաջ...
***
ՀՀԿ ԳՄ նիստում Սերժ Սարգսյանը զայրացած դիմում է ԳՄ անդամներին.
- Վերջին անգամ եմ ձեզ հարցնում՝ որտե՞ղ է Ցոլակ Դարբինյանը... ըըըը... Հովիկ Աբրահամյանը... Լռո՞ւմ եք, ես ձեզ լռել ցույց կտամ, առաջ...
Էդիկ Անդրեասյան
Կարծիքներ