Իրանի նոր ղեկավարությունը կպահպանի իր սկզբունքային դիրքորոշումը Սյունիքի վերաբերյալ
![Իրանի նոր ղեկավարությունը կպահպանի իր սկզբունքային դիրքորոշումը Սյունիքի վերաբերյալ](https://hraparak.am/uploads/images/2024/05/image_750x_664ef558833b0.jpg)
Իրանի նոր ղեկավարությունը կպահպանի նաև իր սկզբունքային դիրքորոշումը Սյունիքի վերաբերյալ։ Իրանը խորքային, ինստիտուցիոնալ պետություն է, և նույնիսկ շատ կարևոր մարդկանց մահը չի կարող դիրքորոշման փոփոխության պատճառ դառնալ։
Այս մասին այսօր՝ մայիսի 23-ին, լրագրողների հետ զրույցում ասել է քաղաքական գործիչ Սուրեն Պետրոսյանը։
«Իրանի խոսույթը փոխվել է ու եթե նախկինում շատ բաներ ասվում էին ենթատեքստով, ապա հիմա դա բացահայտ կերպով է արվում։ Հիմա շատ հստակ ասվում է՝ սրանք մեր կարմիր գծերն են, և սա խոսում է նրա մասին, որ մեր կողմը իրականում բոլոր առումներով տապալում է այս գործընթացը: Դրա համար մյուս կողմը ստիպված է այդ մասին խոսել, բարձրաձայնել»,- ասել է նա։
Կարծիքներ